ondoy,panggising para sa mga pinoy

bagyong ondoy,ginulat maraming mga pinoy.
pinsala nyang iniwan, tunay nga namang nakapanlulupaypay.
Mga kakarampot na yaman kanya pang inagaw
Nawalan na ng bahay, na masisilungan
Pati kabuhayan pa ng ilan hindi nya tinantanan.
Ngunit ang nakapanlulumo ng lubusan
Ay ang mga buhay na lumisan.
Napakasakit para sa pamilyang naiwan
Kinuha na ang lahat,pati na mahal sa buhay.

Ngunit sa kabilang banda atin paring makikita
Iba’t ibang mukha ng pag asa,sa kabila ng sinapit nila
Nagagawa parin nilang tumawa,simbolo nga ng bagong pag asa.
Idagdag pa natin dito,mga bayani sa mga panahong ito
Sana nga ay dumami pa ang tulad nyo,ng magsibing huwaran sa lahat ng tao.

Sino nga naman ang mag aakala,na bagyong ondoy
Ganito pala kalala.ngunit sa ganitong sitwasyon wala na ngang sisihan
Pagkat nangyari na ang lahat,hindi man natin ito kagustuhan.
Wala tayong dapat pagbalingan, kung bakit natin ito nararanasan
Pagkat tayo din ang maysala, sa inang kalikasan tayo naging abusado na.
Ngunit higit pa rito ang dapat nating matanto,sa lahat ng ating pagkabalisa
Sa mga bagay na narito sa lupa,lahat nga tayo ay abala na,
at wala ng panahon para sa Diyos na maylikha.
Marami nga sa atin ay lugmok na, sa kasakiman na narito sa lupa.Sana ang ito na ang magsilbing babala, na muli na nga tayong manumbalik sa kanya